قمبر رپورٽ قاضي نياز حسين
قمبر ۾ پ پ پ شهيد ڀٽو سٽي قمبر طرفان ھٿن ۾ پلي ڪارڊ کڻي پي ٽي آئي جي ڪراچي ايم اين اي عالمگير خلاف جناح باغ کان شهيد بينظير ڀٽو پريس ڪلب تائين احتجاجي مظاهرو ڪري سخت نعريبازي ڪئي۔ ان موقعي تي نواب الدين چانڊيو شوڪت علي چانڊيو محمد جان بروهي اياز علي ميرجت جن صحافين سان ڳالهائيندي چيو ته پي ٽي آئي ڪراچي جي ايم اين اي عالمگير ڀٽو صاحب جي شان ۾ گستاخي ڪري اسان جي دل آزاري ڪئي آهي انهن وڌيڪ چيو ته سنڌ حڪومت مڪمل طور ناڪام ٿي وئي آهي وزيراعظم عمران خان کي گهرجي ته ايم اين اي عالمگير خلاف ايڪشن کڻي پارٽي مان خارج ڪيو وڃي ته ٻي صورت ۾ سخت احتجاج ڪيو ويندو۔
