مڪاني چونڊن جي ٻئي مرحلي ۾نيوسعيدآباد شهر جي ٽائون ڪميٽي سميت تعلقي جي 7 يوسيز ۾چونڊ مرحلو شروع ٿي ويو آهي، جڏهن ته تعلقي جي هڪ يوسي شهمير راهو تي پيپلزپارٽي جا سمورا اميدوار بنا مقابلي ڪامياب ٿي چڪا آهن.
هالا جي يوسي سيد فتح محمد شاھ اجناڻي جي ٻلال برادري جي 8 ڳوٺن لاءِ قائم ڪيل ٻن پولنگ اسٽيشنز 104 ۽105 جي ووٽرن پيپلزپارٽي جي اميدوارن کي ووٽ نه ڏيڻ جو اعلان ڪندي چونڊن جو بائيڪاٽ ڪري ڇڏيو آهي.
ڳوٺاڻن موجب تازو پيل برساتن دوران متاثرن جي چونڊيل نمائندن ڪابه واهر نه ڪئي، گذريل اڌ صديءَ کان پيپلزپارٽي کي اميدوارن کي ووٽ ڏئي ڪامياب ڪندا آهيون پر چونڊيل نمائندن ترقياتي ڪمن سوڌو نوڪرين کان محروم ڪيو جنهن ڪري پيپلزپارٽي جي اميدوارن سميت ڪنهن ٻئي ڪنهن به اميدوار کي ووٽ نه ڏيڻ جو فيصلو ڪيو آهي.
