سنڌ جي وڏي وزير مراد علي شاهه ڪورونا ڪيسز وڌڻ تي صوبي ۾ وڌيڪ پابندين جو اشارو ڏئي ڇڏيو آهي، ڪراچي ۾ پريس ڪانفرنس ڪندي سنڌ جي وڏي وزير مراد علي شاهه چيو ته ڪورونا ايس او پيز کي فالو نه ڪيو ويو ته وبا تيزي سان پکڙجي سگهي ٿي۔ هن جو چوڻ هو ته گڊز ٽرانسپورٽ کي روڪڻ جو ناهي چيو صرف پبلڪ ٽرانسپورٽ تي پابنديون لڳايون ويون آهن جيڪڏهن صورتحال ڳڻتي جوڳي ٿي ته وفاق کان پبلڪ ٽرانسپورٽ تي وڌيڪ پابنديون لڳائڻ جو چونداسين، اڳ به وفاق کي چيو هو ته بين الصوبائي پبلڪ ٽرانسپورٽ بند ڪئي وڃي۔
سنڌ جي وڏي وزير چيو ته اسان ماڻهن جي ويڪسينيشن نه پيا ڪري سگهون هي وڏي ناڪامي آهي ويڪسينيشن کان پوءِ به وائرس کان بچڻ جي لاءِ احتياط کي نه ڇڏيو، معاشي صورتحال تي ڳالهيون ڪندي مراد علي شاهه چيو ته حڪومت اسٽيٽ بينڪ کي آزاد ڪري ڇڏيو آهي هاڻ هو ڪنهن جي آڏو جوابده ناهي۔
اسٽيٽ بينڪ کي ايترو طاقتور ڪري ڇڏيو آهي جو ان معاملي ۾ ڪير به ڪجهه نٿو ڪري سگهي، مراد علي شاهه چيو ته 50 لک نوڪريون ته نه مليون پر ملڪ ۾ بيروزگاري لاڳيتو وڌي رهي آهي۔ معاشي بحران مان نڪرڻ جا ٻيا به ڪيترائي طريقا موجود آهن، موجوده حڪومت جي پاليسين سبب ملڪ جي معاشي صورتحال ڳڻتي جوڳي ٿي وئي آهي۔
