قمبر – درگاھ حسين آباد قمبر طرفان 12 رب الاول جي حوالي سان جشن آمد رسول صلي الله عليه وسلم جي هڪ عظيم و عاليشان ريلي ڪڍي وئي جنهن جي قيادت سيد نصرالله شاھ ڪئي عاشقي رسول صلي الله عليه وسلم هزارين ماڻهن شرڪت ڪئي، ريلي شهر جي مختلف رستن کان ٿيندي ڀٽو چونڪ تي هڪ وڏي جلسي جي صورت اختيار ڪري وئي، ان موقعي تي خطاب ڪندي سيد نصر الله شاھ بخاري ، مولوي محمد علي جت، ۽ ٻين چيو ته حضور اڪرم صلي الله عليه وسلم جي جي آمد سڄي مسلم اماه لاءِ دنيا ۽ آخرت لاءِ هڪ عظيم تحفو آهي، جنهن جي صدقي انسان سان گڏ ساري دنيا ۾ 18 هزار مخلوق پيدا ٿي آهي، جنهن صدقي جن، ملائق، زمين آسمان کي وجود مليو، جنهن لاءِ ﷲ پاڪ فرمايو تہ جيڪڏهن منهنجا محبوب توکي پيدا ڻہ ڪيان ها تہ هيءَ دنيا پيدا نہ ڪيان ها، اڄ ان ڪائنات جي سرڪار، سرڪاري دو عالم مٺڙي مدني جي ولادت اسين سڀ حضور پاڪ صلي الله عليه وسلم جي سنت تي عمل ڪري دنيا و آخرت ۾ ڪاميابي حاصل ڪري سگهون ٿا ۽ ان کان هٽي وڃڻ تي بربادي کان سواءِ ٻيو ڪجھ ناهي، پاڻ ڪريم صلي الله عليه وسلم جن اسان کي سادگي، امن ۽ استحڪام سان رهڻ جو درس ڏنو آهي، جيڪڏهن اسان حضور پاڪ صلي الله عليه وسلم جي ڏسيل مشعل راہ تي هلي زندگي گذاري تہ اسان کي ٻنهي جهانن جي ڪاميابي ۽ ڪامراني نصيب ٿي سگهي ٿي
