رپورٽ- قاضي نياز حسين
سڄي سنڌ وانگر قمبر ۾ بہ پ ٽ الف جي اليڪشن ٿي گذري قمبر جي تعلقي ۽ سٽي تي ٻن گروپن جي وچ ۾ سخت مقابلو ٿيو، تعلقي ۽ سٽي تي سنڌڙي پينل ۽ استاد دوست پينل طرفان الڳ الڳ اميدوار ميدان تي لٿل هئا، سنڌڙي پينل طرفان تعلقي جي صدارت لاءِ علي مدد ڪلھوڙو ۽ جنرل سيڪريٽري لاءِ محمد رمضان مغيري استاد دوست پينل طرفان سڪندر علي ورک ۽ جنرل سيڪريٽري لاءِ عبد الرحمان چانڊيو پينلن طرفان اميدوار طور ميدان تي لٿل هئا، پولنگ جو عمل صبح 8 وڳي کان شام جو 5 وڳي تائين جاري رهيو۔
پولنگ جو وقت پورو ٿيڻ کانپوءِ ووٽن جي ڳڻپ ٿي تہ استاد دوست پينل جا اميدوار 312 ووٽ کڻي ڪاميابي ماڻي ورتي، جڏهن تہ مقابلي ۾ سنڌڙي پينل جي اميدوارن 244 ووٽ کڻي هارائي ويا ۽ سٽي تي استاد دوست پينل جي اميدوار سخت مقابلي کانپوءِ پوءِ سنڌڙي پينل اميدوارن اڳيان بيهي نہ سگهيا ۽ سنڌڙي پينل سوڀارو ٿيو، اميدوارن جي ڪاميابي جي اعلان کان پوءِ دهلن تي رقص ڪندي سمورن ڪامياب ٿيندڙ عهديدارن کي گلن جا هار پارائي مبارڪون ڏنيون ويون۔
