ڏوڪري: باڊھه ٿاڻي جي حد ۾ پارڪو پائيپ لائين مان تيل چوري ڪرڻ جي ڪوشش، پوليس پاران ڪامياب ڪاروائي ڪري 4 ڄڻن کي ٽريڪٽر ٽرالي تيل جي ٽانڪي ۽ ڪلپ سميت گرفتار ڪرڻ جي دعوي، تفصيل موجب باڊھه ٿاڻي جي حد ۾ باڊھ ڏيرا روڊ ڀرسان نامعلوم جوابدارن پاران تيل جي گذرندڙ پارڪو پائيپ لائين کي ڪلپ لڳائي تيل چوري ڪرڻ جي ڪوشش ڪئي وئي، جڏھن ته باڊھه پوليس بروقت ڪاروائي ڪندي تيل چوري جي ڪوشش کي ناڪام بڻائي ڇڏيو، پوليس ڪاروائي دوران 4 ڄڻن امداد گوپانگ، مجيد ماڇي، ظفر ماڇي ۽ نثار بروھي کي چوري ۾ استعمال ڪيل ٽريڪٽر ٽرالي، تيل جي ٽانڪي، ڪلپ ۽ ٻي سامان سميت گرفتار ڪري ورتو آھي، جڏھن ته گرفتار ڪيل جوابدار مٿان پارڪو پائيپ لائين جي مقرر آفيسر جي فرياد تي 4 ئي جوابدارن خلاف تيل چوري ڪرڻ جو ڪيس داخل ڪيو ويو آھي، ان سلسلي ۾ ايس ايڇ او باڊھه عبدالرزاق ٽڳڙ صحافين سان ڳالھائيندي چيو ته تيل چوري جو اطلاع ملڻ تي بروقت ڪاروائي ڪري چوري ناڪام بڻائي ڇڏي آھي، جڏھن ته ملوث جوابدارن کي گرفتار ڪري مٿن ڪيس داخل ڪيو ويو آھي۔
