قمبر: (رپورٽ قاضي نياز حسين)
قمبر- ۾ پاڻي کوٽ خلاف هارين ۽ آبادگارن ريئس صدام حسين مارفاڻي استاد خالد حسين مارفاڻي منصور احمد ٻرڙو ۽ مارفاڻي برادري طرفان هٿن ۾ پلي ڪارڊ کڻي شيخ واھ ۾ پاڻي کوٽ خلاف احتجاجي مظاهرو شھيد بينظير ڀٽو پريس ڪلب اڳيان آبپاشي عملدارن خلاف سخت نعريبازي ڪئي، ان موقعي تي ميڊيا سان ڳالهائيندي اڳواڻن چيو تہ هر سال اسين جولائي مهيني ۾ رونبو ڪري ويندا هئاسين پر هن وقت آگسٽ مهينو هلي رهيو آهي پر اسان کي ساريالي فصل لاءِ پاڻي ناهي ڏنو ويو، هنن جو چوڻ هو تہ جيڪڏهن ايندڙ 10 ڏينهن تائين پاڻي نہ مليو تہ اسين ساريالو فصل پوکي نہ سگهنداسين، هنن اعلي اختيارن کان مطالبو ڪيو تہ اسان کي فصل پوکڻ لاءِ زرعي پاڻي ڏنو وڃي ٻي صورت ۾ سخت احتجاج ڪيو ويندو۔
