ڪشمور(رپورٽر پرويز علي کوکر ) ڪشمور ويجھو ڳوٺ غلام حسين مزاري ۾ اڏيو واھ مان پاڻي ڀرڻ لاءِ ويندڙ مزاري ذات سان تعلق رکندڙ 3 ٻارڙيون واھ ۾ ڪِري ٻڏي فوت، گھر ۾ ڪھرام، ڪشمور ٿاڻي جي حد ڳوٺ غلام حسين مزاري ۾ اڏيو واھ مان پاڻي ڀرڻ لاءِ ويندڙ 3 ٻارڙيون پير تِرڪڻ سبب واھ ۾ ڪِري ٻڏي فوت ٿي ويون، فوت ٿي ويل ٻارڙين ۾ 6 سالا سونيا، 8 سالا آلمون ۽ 9 سالا خاتون مزاري شامل آهن فوت ٿيندڙن ۾ 2 ڀيڻيـون ۽ هڪ سئوٽ شامل، علائقي واسين پنهنجي مدد پاڻ تحت ٻڏي ويندڙ ٻارڙين جا لاش اڏيو واھ مان هٿ ڪري ورتا، ان سلسلي ۾ ٻارڙين جي وارثن جو چوڻ آهي ته هڪڙي ٻارڙي جو پير تِرڪڻ سبب اڏيو واھ ۾ ڪري پئي جنهن کي بچائيندي ٽئي ٻارڙيون ٻڏي ويون، لاش گهر پهچڻ تي سندس گھر ۾ ڪھرام مچي ويو۔
