رپورٽ – قاضي نياز حسين
سڄي سنڌ ۾ اڄ پ ٽ الف جي 67 يونٽن تي اليڪشن ٿي رهي آهي اھڙي طرح قمبر ۾ بہ پ ٽ الف جي اليڪشن جاري آهي قمبر جي ٻن گروپن جي وچ ۾ ڪانٽي جو مقابلو ٿيڻ جا امڪان آهن، جڏهن تہ سنڌڙي پينل طرفان تعلقي جي صدارت لاءِ علي مدد ڪلھوڙو ۽ جنرل سيڪريٽري لاءِ محمد رمضان مغيري استاد دوست پينل طرفان سڪندر علي ورک ۽ جنرل سيڪريٽري لاءِ عبد الرحمان چانڊيو پينلن طرفان اميدوار طور ميدان تي لٿل آهن۔
جڏهن تہ اليڪشن جي ماحول کي بھتر ڪرڻ لاءِ سخت سڪيورٽي جا انتظام ڪيا ويا آهن ان لاءِ پوليس کان پڻ مدد ورتي پئي وڃي، اڄوڪي اليڪشن ۾ ٻنهي ڌرين طرفان ڪامياب ٿيڻ جي دعوا ڪئي پئي وڃي، جڏهن تہ آزاد استاد ڌرين طرفان سخت مقابلي جا امڪان ظاهر ڪيا پيا وڃن، جڏهن تہ اليڪشن اڄ صبح 8 وڳي کان جاري آهي جيڪا شام جو 5 وڳي تائين جاري رهندي، جڏهن تہ پوري قمبر تعلقي ۾ استادن جا ٽوٽل 585 ووٽ رجسٽرڊ آهن جيڪي ٻنهي پينلن جي اميدوارن جي قسمت جو فيصلو ڪندا، اليڪشن پر امن خوشگوار ماحول ۾ جاري آهي۔
