جهنڊومري (ڪرشن لال)
پيارولنڊ ۾ 10 محرم الحرام تي ڪربلا جي شهيدن جي ياد ۾ تعلقي جهنڊومري جي هيڊ ڪوارٽر پيارولنڊ, عثمان شاه هڙي,جهنڊومري شهر,منو خان لنڊ,پير جڙيل شاه جي ماڙي, لال خان لاشاري سميت تعلقي جي مختلف ڳوٺن جي عزادارن ماتمي جلوس برآمد ٿيا ۔ ڪربلا جي شهيدن کي ڀيٽا ڏني ۔ پيارولنڊ شهر ۾ الحسيني مرڪزي امام بارگاه مان عزادارن ماتمي جلوس برآمد ٿيو جنهن ۾ تعزيو ۽ ذوالجناح نڪتي ۔
ايڊمنسٽريٽر ٽائون ڪاميٽي پيارولنڊ (اي سي جهنڊومري) شهزادو عمير جروار ماتمي جلوسن جي رستن تي صفائي سٿرائي ۽ پاڻي جون ڇٽڪارون ڪرايون ۽ رستن جي جانچ پڻ ڪئي ۔ ان کان علاوه ماتمي قافلي جي رستن ۾ لائيٽنگ پڻ لڳرائي ۔ انهي سان گڏ ٽائون عملو پڻ ماتمي جلوس سان گڏ هو ۔ سيڪيورٽي انتظام سخت ڪيا ويا ۔ ڊي ايس پي جهنڊومري نور محمد مري ايس ايڇ او پيارولنڊ عبدالواحد بلوچ سيڪيورٽي انتظامن جي پاڻ نگراني ڪئي ۔ پوليس پاران قافلن جي رستن تي اچ وڃ جي رستن تي پوليس اهلڪار تعينات ڪيا ويا ۔
جيئن ٻاهر کان ايندڙ گاڏين ۽ مشڪوڪ ماڻهن کي روڪي سگهجي ۔
پيارولنڊ صدر ٿاڻي جا وڏي انگ ۾ اهلڪار ماتمي جلوس سان گڏ اڻ وڻندڙ واقعي ۽ حفاظت لاء مقرر ڪيا ويا هئا ۔ تعلقه اسپتال جي ڊاڪٽر ذوالفقار ميمڻ ماتمي جلوس لاء ايمبولينس ۽ ڊاڪٽرن جي ٽيم سان ڊيوٽي سرانجام ڏني ۔
ماتمي جلوس شهر جي مقرر رستن تان ٿيندو واپس الحسيني امام بارگاه پيارولنڊ ۾ نهر پذير ٿيو ۔
