سجاول جوڻيجو: رپورٽر
سجاول جوڻيجو شھدادڪوٽ واسي ڀٽي برادري جي ماڻھن زرعي زمين تي قبضي ٿيڻ خلاف عوامي پريس ڪلب اڳيان بااثر وڏيري رياض حسين بروهي خلاف گل محمد ڀٽي محمد صديق ڀٽي الله ڏتو ۽ ٻين ننڍڙن ٻارڙن سان گڏجي احتجاجي مظاهرو ڪري نعريبازي ڪئي جنھن دوران مظاهرين ميڊيا سان ڳالهائيندي چيو تہ ڳڙهي خيرو تعلقو جي ديھ لنڊ ۾ 292 سروي نمبر زرعي زمين آهي۔
جنھن جي ايراضي 10 ايڪڙ 6 گھنٽا آهي جنھن تي بااثر رياض حسين بروهي ناجائز زبردستي قبضو ڪري ڦٻائڻ چاهي ٿو هنن وڌيڪ چيو تہ اسين غريب امن پرست ماڻهو آهيون جھيڙو نٿا ڪري سگھون هو بااثر آهي جنھن ڏاڍ ڪري ناجائز قبضو ڪري زمين ڦٻائڻ چاهي ٿو جڏهن تہ روينيو رڪارڊ پڻ اسان وٽ موجود آهي مظاهرو ڪندڙن ڊپٽي ڪمشنر جيڪب آباد ايس ايس پي جيڪب آباد ڊي آئي جي کان گھر ڪئي تہ معاملي جو نوٽيس وٺي ناجائز زمين تي ٿيل قبضو ختم ڪرائي ڏنو وڃي۔
