وارھہ :مظفر قاضي
پکو پوليس پاران صحافي جي گهر تي چڙھائي خلاف وارھ ۾ صحافين جو احتجاجي مظاهرو ايس ايڇ او پکو کي هٽائڻ جو مطالبو، خبر موجب پکو پريس ڪلب جي صدر علي گل مغيري جي گهر تي ايس ايڇ او پکو وحيد منگي پاران پوليس اٽالا ساڻ ڪري چڙھائي ڪرڻ خلاف وارھہ پريس ڪلب جي صدر نزيراحمد ڇٽو ، شفيق عباسي ، ذوالفقار چانڊيو، اياز چانڊيو، بشير ميرجت، اصغر ميراسي ،سڪندر تونيو، ظھور چانڊيو ،فياض الدين چانڊيو، گلشن کٽياڻ ۽ ٻين جي اڳواڻي ۾ احتجاج ڪيو ويو۔
احتجاج ۾ سياسي سماجي اڳواڻن مراد چانڊيو، عرفان منان ، محرم صاحباڻي ۽ ٻين شرڪت ڪئي ان موقعي تي احتجاج ڪندڙن دانهيو ته جوئا ۽ منشيات خلاف لکڻ تي پکو پوليس چادر چوديواري جو تقدس پامال ڪندي صحافي علي گل مغيري جي گهر تي چڙھائي ڪري صحافي جي ڀاء کي گرفتار ڪري ذيادتي ڪئي آھي هنن وزير اعليٰ سنڌ سيد مراد علي شاھ ڊي آء جي لاڙڪاڻو ناصر آفتاب ، ايس ايس پي قمبر شھدادڪوٽ سمير نور چنه ۽ ٻين وس وارن کان مطالبو ڪيو ته صحافي جي گهر تي پوليس چڙھائي ڪندڙ ايس ايڇ او پکو وحيد منگي ۽ ٻين ملوث اهلڪارن خلاف ڪاروائي ڪري صحافين کي تحفظ ڏنو وڃي ٻي صورت ۾ احتجاجي دائرو وڌايو ويندو ۔
