اسلام آباد: محکمہ موسمیات کے مطابق آئندہ 24 گھنٹوں کے دوران اسلام آباد سمیت بالائی پنجاب، بالائی خیبر پختونخوا، مشرقی بلوچستان، گلگت بلتستان اورکشمیر میں آندھی اورگرج چمک کے ساتھ بارش کا امکان ہے جبکہ ملک کے بیشترعلاقوں میں موسم شدیدگرم اور شدید مرطوب رہے گا۔گذشتہ 24 گھنٹوںکے دوران پنجاب،خیبر پختونخوا،جنوب مشرقی سندھ ، مشرقی بلوچستان ، کشمیراور اس سے ملحقہ پہاڑی علاقوں میں بارش ہوئی۔سب سے زیادہ بارش سندھ، میر پور خاص میں 18، مٹھی 8، بدین 7، چھور 5، خیبر پختونخوا، پاراچنار5،پنجاب ، نارووال 4، بلوچستان، قلات میں 2 ملی میٹربارش ریکارڈ کی گئی جبکہ ملک کے دیگر علاقوں میں موسم گرم اور مرطوب رہا۔ سب سے زیادہ درجہ حرارت دادو، موہنجوداڑو میں 47 ، لاڑکانہ 46، جیکب آباد، روہڑی اور سبی میں 45 ڈگری سینٹی گریڈ ریکارڈ کیا گیا۔
