درجنوں سپر ہٹ بولی وڈ فلموں میں شاندار اداکاری کرنے والے بولی وڈ کامیڈین سید اشتیاق احمد المعروف جگدیپ جعفری 81 برس کی عمر میں چل بسے۔
سید اشتیاق احمد المعروف جگدیپ جعفری نے بطور چائلڈ آرٹسٹ کیریئر کا آغاز کیا اور انہوں نے 70 سال سے زائد عمر تک فلموں میں اداکاری کے جوہر دکھائے۔
جگدیپ جعفری کی پیدائش متحدہ ہندوستان میں 1939 میں ہوئی تھی اور انہوں نے تقسیم ہند سے قبل ہی اداکاری کا آغاز کردیا تھا۔
جگدیپ جعفری نے اگرچہ 400 سے زائد فلموں میں کام کیا، تاہم بطور مرکزی اداکار وہ بمشکل 2 درجن فلموں میں ہی کام کر سکے تھے۔
