کراچی: چیئرمین پی پی پی بلاول بھٹو زرداری کی سربراہی میں اجلاس، چار اپریل کو قائد عوام کی شہادت کے سلسلے میں جلسہ راولپنڈی میں کرنے کا فیصلہ کیا گیا ہے ، بلاول ہائوس کے علامیہ کے مطابق بلاول ہاؤس میں ہونے والے اجلاس میں یوسف رضا گیلانی، راجہ پرویزاشرف، شیری رحمان اور نیر بخاری اور دیگر رہنمائوں نے فیصلہ کیا۔اجلاس میں فیصل کریم کنڈی، ہمایوں خان، قمرزمان کائرہ، نثار کھوڑو، سید مراد علی شاہ، چوہدری منظور اور زمرد خان بھی شریک تھے۔ اجلاس میں فیصلہ کیا گیا کہ چار اپریل کو قائد عوام کی شہادت کے سلسلے میں راولپنڈی میں ہونے والے جلسے کے مقام کا اعلان جلد کیا جائے گا، راولپنڈی میں جلسے کے بعد روایتی طور پر سینٹرل ایگزیکٹو کمیٹی کا بھی اجلاس ہوگا۔
