کراچی: پاکستان پیپلزپارٹی پارلیمنٹیرینز نے سینیٹ الیکشن کے لئے پارٹی ٹکٹ کے خواہشمندوں سے درخواستیں طلب کر لی ہیں۔ پاکستان پیپلزپارٹی پارلیمنٹیرینز کے سیکریٹری جنرل سینیٹر فرحت اللہ بابر نے پارٹی ٹکٹ کے لئے امیدواروں کو ہدایت کی ہے کہ وہ اپنی درخواستیں 8 فروری 2021ء تک زرداری ہاﺅس اسٹریٹ نمبر 19، F-8/2 اسلام آباد یا بلاول ہاﺅس کراچی کے پتے پر ارسال کریں۔ سینیٹر فرحت اللہ بابر نے ہدایت کی کہ درخواست کے ساتھ پاکستان پیپلزپارٹی پارلیمنٹیرینز کے نام مبلغ ایک لاکھ روپے کا بنک ڈرافٹ منسلک کیا جائے اور درخواست صدر پاکستان پیپلزپارٹی پارلیمنٹیرینز کے نام بھیجی جائے۔
