ملک بھر کی طرح کراچی میں بھی موسم مزید سرد ہوگیا جس کے باعث آئندہ 24 گھنٹے ميں شہر کا درجہ حرارت 8 سينٹی گريڈ تک گرنے کا امکان ہے جبکہ کوئٹہ میں کم سے کم درجہ حرارت منفی 5 ڈگری ریکارڈ کیا گیا۔
محکمہ موسمیات کے مطابق کراچی ميں سائبرين ہواؤں کے سبب موسم مزيد سرد ہوگيا ہے جبکہ سردی کی موجودہ لہر مزيد کچھ روز تک برقرار رہے گی۔
کراچی میں آج زيادہ سے زيادہ درجہ حرارت 23 ڈگری رہنے کا امکان ہے جبکہ ہوا ميں نمی کا تناسب 54 فيصد ريکارڈ کیا گیا۔
دوسری جانب کوئٹہ سمیت شمالی بلوچستان میں سردی کی شدت مزید بڑھ گئی ہے جس کے باعث سڑکوں پر پانی جم جانے سے شہریوں کے لیے آمدورفت مشکل ہوگئی جبکہ گیس پریشر میں کمی کا مسئلہ بھی برقرار ہے۔
کوئٹہ میں کم سے کم درجہ حرارت منفی 5 پانچ اور قلات میں منفی 6 ڈگری سینٹی گریڈ ریکارڈ کیا گیا۔
محکمہ موسمیات نے آئندہ 24 گھنٹوں میں سردی کی شدت مزید بڑھنے کی پیشگوئی کی ہے
