کورونا کے سبب حالات بہتر ہونے سے پہلے بدتر ہوتے جا رہے ہیں، ڈونلڈ ٹرمپ

امریکی صدر ڈونلڈ ٹرمپ نے کہا ہے کہ کورونا وبا سے ملک میں حالات بہتر ہونے سے پہلے مزید بدتر ہوتے جا رہے ہیں۔

وائٹ ہاوس میں بغیر ماسک لگائے پریس کانفرنس کرتے ہوئے صدر ٹرمپ نے لوگوں پر زور دیا کہ وہ ماسک پہنیں کیوں کہ وہ بھی اب ماسک اپنے ساتھ رکھتے ہیں۔ 

صدر ٹرمپ نے اس بار کورونا بریفنگ میں اپنے مشیر ڈاکٹر انتھونی فاؤچی کو نہیں بلایا جس پر ٹرمپ نے کہا کہ ان کی پرفارمنس کا اندازہ اس بات سے نہ لگایا جائے کہ وبا سے نمٹنے کے لیے ان کا طریقہ کیا تھا۔ 

دوسری جانب امریکا کے سینٹر فار ڈیزیز کنٹرول نے تسلیم کیا ہے کہ ملک میں کورونا کا شکار افراد کی اصل تعداد رپورٹ کیے گئے کیسز سے کم سے کم 13 گنا زیادہ ہے۔