اوستا محمد: رپورٹ
ڈیرہ مراد جمالی سٹی پولیس کی بڑی کاروائی دس روز قبل ڈیرہ مراد جمالی سے اغوا ہونے والی عورت کو اس کے 4 ماہ کے بچے سمیت کراچی کے علاقے مچھر کالونی سے بازیاب کرا کر ایک ملزم کو گرفتار کرلیا ہے یہ بات ڈی ایس پی سرکل ڈیرہ مراد جمالی ملک عبدالغفار سیلاچی نے ایس ایچ او سٹی ڈیرہ مراد جمالی سکندر سعید عمرانی۔ سب انسپکٹر متھل خان دیناری کے ہمراہ میڈیا کے نمائندوں سے بات چیت کرتے ہوئے کیا۔
ڈی ایس پی ملک عبدالغفار سیلاچی نے بتایا کہ مغوی کی بازیابی کے لیے ایس ایس پی نصیرآباد عبدالحی عامر بلوچ نے سختی سے ہدایات جاری کی تھی جس پر ایس ایچ او سٹی ڈیرہ مراد جمالی سکندر سعید عمرانی کی سربراہی میں ٹیم تشکیل دے دی گئی جس میں سب انسپکٹر مٹھل خان دیناری اور دیگر پولیس افسران اور اہلکاروں شامل تھے کراچی کے علاقے مچھر کالونی میں ایک مکان پر چھاپہ مارکر مغوی عورت زرینہ اور اس کے 4 ماہ کا بچہ بازیاب کرالیا ایس ایس پی نصیرآباد عبدالحی عامر بلوچ نے سٹی ایس ایچ او سکندر سعید عمرانی اور ان کی ٹیم کے لیے تعریفی اسناد دینے کا اعلان کیا۔
