کراچی: میٹھا پانی ٹینکرز یونین کی جانب سے واٹر بورڈ کے خلاف احتجاج حب ریور روڈ پر جاری، اگر ہمارے مطالبات پورے نہیں کئے گئے تو آئیندہ ہمارا احتجاج واٹر بورڈ ہیڈ آفس پرہوگا۔ تفصیلات کے مطابق حب چوکی، سکران سے کراچی میں میٹھا پانی لانے والے میٹھا پانی ٹینکرز یونین کی جانب سے حب ریور روڈ پر احتجاج کیا گیا۔
ٹینکرز مالکان و مزدوروں کا کہنا تھا کہ کراچی واٹر بورڈ کا کہنا ہے کہ یہ پانی مظہر صحت ہے لہذا ہم سے پانی خریدا جائے حکومت سندھ ہمارا پانی لیبارٹری میں چیک کرے اگر مظہر صحت نکلا تو حکومت ہم پر جو جرمانے اور سزا عائد کرے گی ہم اسکے لئے تیار ہیں اور اگر یہ پانی مظہر صحت نا ہوا تو ہمارے ساتھ ناروا سلوک بند کرکے ہمیں شہر میں پانی سپلائی کرنے کی اجازت دی جائے۔ اگر حکومت نے واٹر بورڈ کے سلوک پرایکشن نہیں لیا تو آئندہ کا ہمارا احتجاج واٹر بورڈ ہیڈافس، وزیراعلی ہاؤس اور بلاول ہاؤس پر ہوگا۔
