گلگت: چیئرمین پی پی پی بلاول بھٹو زرداری کا 31 روزہ گلگت بلتستان کا دورہ آج مکمل، اسلام آباد پہنچ گئے، بلاول بھٹو زرداری گلگت بلتستان میں 21 اکتوبر سے 20 نومبر تک انتخابات کے سلسلے میں قیام پذیر رہے، بلاول بھٹو نے مجموعی طور پر گلگت بلتستان کے تین ڈویژنز اور 10 اضلاع میں 40 کارنر میٹنگز کی ہیں۔
بلاول بھٹو نے ضلع گلگت میں سسی حراموش، جگلوٹ، شروٹ، بسین، فیض آباد، نومل، سکوار، خومر، یادگار چوک اور کشروٹ میں 10 کارنر میٹنگ کی ہیں اور گلگت پریس کلب میں دو اور مقامی ہوٹل میں ایک نیوز کانفرنس جبکہ 16 نومبر کو گلگت کے علاقے خومر میں ہونے والے دھرنے سے خطاب کرچکے ہیں۔
