مائیکرو سافٹ نے اپنا سب سے سستا لیپ ٹاپ سرفیس گو متعارف کرادیا ہے جو طالبعلموں کے لیے تیار کیا گیا ہے۔
اس کے علاوہ کمپنی کی جانب سے سرفیس پرو ایکس فلیگ شپ ٹیبلیٹ بھی پیش کیا گیا ہے۔
یہ دونوں ڈیوائسز ایک آن لائن ایونٹ کے دوران متعارف کرائی گئی اور یہ سب سے پہلے امریکا میں فروخت کے لیے پیش کی جائیں گی۔
کمپنی کے مطابق اس کی بیٹری لائف 13 گھنٹے کی ہے جبکہ 16 جی بی ریم اور 236 جی بی اسٹوریج دی گئی ہے۔
سرفیس لیپ ٹاپ گو میں یو ایس بی ٹائپ اے پورٹ، یو ایس بی ٹائپ سی پورٹ، ہیڈفون جیک اور سرفیس کنکٹر دیا گیا ہے۔
اس کے علاوہ 720 پی ویب کیم، اومنی سونک اسپیکرز اور وائی فائی 6 سپورٹ جیسے فیچرز بھی اس کا حصہ ہیں۔
اس کی قیمت 549 ڈالرز (لگ بھگ 91 ہزار پاکستانی روپے سے زائد) رکھی گئی ہے اور سب سے پہلے امریکا میں فروخت کے لیے پیش کیا جارہا ہے۔
