موٹرولا نے گزشتہ سال نومبر میں کلاسیک موٹو ریزر 3 کو نئی شکل میں متعارف کرایا تھا اور اب اس کا اپ ڈیٹ ماڈل بھی پیش کردیا گیا جس میں 5 جی سپورٹ دی گئی ہے۔
اس نئے موٹرولا ریزر میں 5 جی سپورٹ کے لیے کوالکوم اسنیپ ڈراگون 765 جی پراسیسر دیا گیا ہے۔
فون کے اندر 8 جی بی ریم اور 256 جی بی اسٹوریج موجود ہے جبکہ ایس ڈی کارڈ سپورٹ موجود نہیں۔
جہاں تک ڈیزائن کی بات ہے تو یہ گزشتہ سال کے فون سے کافی ملتا جلتا ہے جس میں کچھ معمولی بہتری کی گئی ہے۔
فائیو جی ایڈیشن میں 6.2 انچ پلاسٹک او ایل ای ڈی پینل مین ڈسپلے کے لیے دیا گیا ہے جبکہ 2.7 انچ گلاس او ایل ای ڈی سیکنڈری اسکرین کے طور پر فرنٹ پر موجود ہے۔
