کراچی میں پاکستان اسٹاک ایکسچینج پر حملے میں استعمال ہونے والی کار ڈرامے "دیوانگی” کے ایک منظر میں نظر آ گئی ہے۔
پاکستان اسٹاک ایکسچینج پر 29 جون 2020 کو ہونے والے دہشت گرد حملے میں استعمال ہونے والی کار 10 ماہ پہلے ہل پارک میں کھڑی نظر آرہی ہے اور یہ منظر ایک پاکستانی ڈرامے ‘دیوانگی’ کا ہے۔
ڈرامے کی یکم جولائی 2020 کو نشر ہونے والی قسط نمبر 33 میں ڈرامے کے 2 کردار گفتگو کرتے ہوئے آگے بڑھتے ہیں تو پارکنگ ایریا میں کھڑی ایک کار پر یہی نمبر نظر آتا ہے۔
جبکہ ساتھ میں یہ بھی بتایا گیا ہے کہ ڈرامے کی یہ قسط 30 اگست 2019 کو ہل پارک میں شوٹ کی گئی تھی۔
